ພຣະພຸດທະເຈົ້າຄິດຫາຫົນທາງຕັດສະລູ້ດ້ວຍພະອົງເອງໄດ້ສຳເລັດ

• : ການປະຕິບັດ ຕາມທາງສາຍກາງຄື ຫົນທາງແຫ່ງການຕັດສະລູ້ ບັນລຸພຣະໂພທິຍານ ບຳພຽນຈິດຕາມທາງສາຍກາງ • ພຣະພຸດທະເຈົ້າກ່າວວ່າ: ຄົນໃນໂລກນີ້ມີຫລາຍຈຳພວກ ພວກທີ່ສະຫລຽວສະຫລາດ ຟັງທັມກໍ່ເກີດມີຄວາມເຂົ້າໃຈໄດ້ໃນເວລາອັນວ່ອງໄວ ປຽບສະເຫມືອນດອກບົວທີ່ຢູ່ພົ້ນນໍ້າ ເມື່ອຕ້ອງແສງອາທິດກໍ່ເບີ່ງບານທັນທີ. • ພວກທີ່ມີສະຕິປັນຍາປານກາງ ເມື່ອຟັງທັມ ແລະໄດ້ຮັບການຝຶກຝົນ ເພີ້ມເຕີມ ກໍ່ສາມາດຮູ້ແລະເຂົ້າໃຈໄດ້ໃນເວລາອັນບໍ່ເຫີງນານ ປຽບສະເຫມືອນດອກບົວທີ່ຢູ່ຕິດນໍ້າ ຊື່ງຈະບານໃນວັນທັດໄປ • ພວກທີ່ມີສະຕິປັນຍານ້ອຍ ເມື່ອຟັງທັມ ແລະໄດ້ຮັບການອົບຮົມຝຶກຝົນຢູ່ສະເຫມີ ມີຄວາມພຽນມີສັດທາ ໃນທີ່ສຸດ ສາມາດຮູ້ ແລະເຂົ້າໃຈໄດ້ ປຽບສະເຫມືອນດອກບົວທີ່ຢູ່ໃຕ້ນໍ້າ ເຊີ່ງຈະຄ່ອຍໆພົ້ນນໍ້າ ແລ້ວສາມາດບານໄດ້ໃນທີ່ສຸດ • ພວກສຸດທ້າຍ ແມ້ຟັງທັມເທົ່າໃດ ກໍ່ບໍ່ອາດເຂົ້າໃຈຄວາມໜາຍ ຫລືຮູ້ຕາມໄດ້ ແຕ່ກໍ່ເປັນປັນໃຈໃຫ້ບັນລຸທັມໃນພົບຕໍ່ໆໄປ ປ່ຽບສະເຫມືອນດອກບົວ ທີ່ຕົກຢູ່ໃນໂຄນຕົມ ມີແຕ່ຈະຕົກເປັນອາຫານຂອງເຕົາ ປາ ບໍ່ມີໂອກາດພົ້ນນໍ້າ ເພື່ອເບງບານ ເມື່ອເປັນຢ່າງນີ້ແລ້ວ ເຮົາຈະຮັກສາຊີວິດໄວ້ເພື່ອເຜີຍແຜ່ ພຣະທັມສັ່ງສອນມວນມະນຸດ ຈົນກວ່າພຣະພຸດທະສາດສະໜາ ແຜ່ຫລາຍໜັ້ນຄົງ ເພື່ອປະໂຫຍດສຸດແກ່ມວນມະນຸດ